समृद्ध नगर न्यूज नेटवर्क – दि.29
शिक्षिका शोभा डांगे यांना अखेर न्यायशिवसेना तालुका उपप्रमुख नितीन कोल्हे यांच्या सातत्यपूर्ण प्रयत्नांना यश.
बीड | प्रतिनिधी – बीड जिल्हा परिषद शिक्षण विभागातील एका प्रलंबित व अन्यायकारक प्रकरणाला अखेर न्याय मिळाला असून शिक्षिका शोभा शिवाजीराव डांगे यांचा प्रश्न मार्गी लागला आहे. शिवसेना तालुका उपप्रमुख नितीन कोल्हे यांच्या सातत्यपूर्ण पाठपुरावा व ठोस भूमिकेमुळे हा महत्त्वपूर्ण निर्णय घेण्यात आला आहे.
या संदर्भात बीड जिल्हा परिषद शिक्षणाधिकारी (प्राथमिक) किरण कुवर यांची प्रत्यक्ष भेट घेण्यात आली. उपमुख्यमंत्री एकनाथ शिंदे यांचे सहसचिव एकनाथ शेलार यांच्या मार्गदर्शन व सहकार्यामुळे संबंधित शिक्षक प्रश्नावर प्रशासनाने सकारात्मक निर्णय घेतला.शिक्षिका शोभा डांगे यांच्यावर झालेला अन्याय दूर करून त्यांना न्याय देण्यात आल्याने शिक्षक वर्गात समाधानाचे वातावरण निर्माण झाले आहे.
सदर प्रकरणात संबंधित विभागाकडून विलंब व दुर्लक्ष होत असल्याने शिक्षिकेला मानसिक व प्रशासकीय अडचणींचा सामना करावा लागत होता. मात्र शिवसेनेच्या माध्यमातून हा प्रश्न थेट वरिष्ठ स्तरावर मांडण्यात आला.नितीन कोल्हे यांनी प्रशासनासमोर वस्तुनिष्ठ माहिती व कागदपत्रांसह ठाम भूमिका मांडत शिक्षकांवर अन्याय होणार नाही, याची जबाबदारी प्रशासनाने घ्यावी, अशी स्पष्ट मागणी केली. त्यांच्या या प्रयत्नांना अखेर यश आले असून संबंधित आदेश काढण्यात आले आहेत.
या निर्णयामुळे केवळ शोभा डांगे यांनाच नव्हे तर भविष्यात अशा प्रकारच्या अन्यायग्रस्त शिक्षकांना न्याय मिळण्याचा मार्ग मोकळा झाला असल्याचे मत व्यक्त केले जात आहे. शिक्षक हितासाठी शिवसेना नेहमीच रस्त्यावर व कार्यालयात लढत राहील, असे मत यावेळी नितीन कोल्हे यांनी व्यक्त करण्यात आले.
शिक्षिका शोभा डांगे यांनी न्याय मिळाल्याबद्दल शिवसेना नेतृत्व, नितीन कोल्हे, उपमुख्यमंत्री एकनाथ शिंदे व सहसचिव एकनाथ शेलार यांचे आभार मानले आहेत.
