जामखेड येथे ‘साई समर्थ हाडांचा दवाखाना व एम.आर.आय. सेंटर’चा २ ऑगस्ट रोजी शुभारंभ
समृद्ध नगर न्यूज नेटवर्क :
जामखेड शहरातील विश्वक्रांती चौक, बीड रोड येथे अत्याधुनिक वैद्यकीय सुविधांनी सुसज्ज ‘साई समर्थ हाडांचा दवाखाना व एम.आर.आय. सेंटर’चा शुभारंभ रविवार, दि. २ ऑगस्ट २०२६ रोजी सकाळी १० वाजता होणार आहे.
या समारंभाचे उद्घाटन प.पू. पांडुरंग (देवा) देशमुख शास्त्री (सौताडा) यांच्या शुभहस्ते होणार असून, विधान परिषद सभापती मा. आ. प्रा. राम शिंदे, आमदार रोहित (दादा) पवार, प्रांजलताई अमित चिंतामणी, तसेच कोठारी प्रतिष्ठानचे अध्यक्ष व सामाजिक कार्यकर्ते संजय (काका) कोठारी यांची प्रमुख उपस्थिती लाभणार आहे.
या रुग्णालयात हाडांच्या आजारांवरील विशेष उपचार, अत्याधुनिक एम.आर.आय. सुविधा तसेच आधुनिक आरोग्यसेवा एकाच छताखाली उपलब्ध करून देण्यात येणार असल्याची माहिती आयोजकांनी दिली.
या संस्थेचे प्रमुख डॉ. अजय क्षिरसागर (एम.बी.बी.एस., डी. ऑर्थो), डॉ. भरत दाकुंडे (आयसीयू इंटेन्सिव्हिस्ट), डॉ. वैभव हुंबे (एम.डी. मेडिसिन) आणि डॉ. सोनाली दाकुंडे (आयसीयू इंटेन्सिव्हिस्ट) यांनी नागरिकांनी या उद्घाटन सोहळ्यास उपस्थित राहून शुभेच्छा द्याव्यात, असे आवाहन केले आहे.
कार्यक्रमास जामखेड तालुका मेडिकल प्रॅक्टिशनर्स असोसिएशन, केमिस्ट अँड ड्रगिस्ट असोसिएशन तसेच लॅब असोसिएशन यांचे सहकार्य लाभले आहे.
