Author: Samrudha Nagar

समृद्ध नगर न्यूज नेटवर्क :कर्जत तालुक्यातील चापडगाव येथे अफूच्या शेतीवर पोलिसांनी कारवाई केल्याची घटना ताजी असतानाच जामखेड तालुक्यातील खर्डा हद्दीतील बांधखडक शिवारात कांद्याच्या पिकाच्या आडोशाला प्रतिबंधित अफूची शेती केल्याचा धक्कादायक प्रकार उघडकीस आला आहे. खर्डा पोलिसांनी टाकलेल्या छाप्यात तब्बल ६ लाख १७ हजार ७२५ रुपये किमतीची अफूची झाडे जप्त करण्यात आली असून या प्रकरणी दोन जणांविरोधात गुन्हा दाखल करण्यात आला आहे. पोलिसांकडून मिळालेल्या माहितीनुसार, जामखेड तालुक्यातील बांधखडक येथील शेत गट क्रमांक १९१ व १९२ मध्ये सुधाकर एकनाथ वारे व मारुती विश्वनाथ वारे यांनी कांद्याच्या पिकाच्या आडोशाने प्रतिबंधित अफूची लागवड केली होती. या ठिकाणी सुमारे २२ किलोहून अधिक अफूची झाडे उगवण्यात…

डॉ. हृतिक घोलप यांना एम.डी. (बालरोग) साठी नागपूरमध्ये प्रवेश समृद्ध नगर न्यूज नेटवर्क – कुटुंबीयांचा अभिमान; परिसरातून शुभेच्छांचा वर्षावप्रतिनिधी : वैद्यकीय क्षेत्रात उल्लेखनीय यश संपादन करत डॉ. हृतिक यांना एम.डी. (बालरोग तज्ञ) अभ्यासक्रमासाठी NKP Salve Institute of Medical Sciences & Lata Mangeshkar Hospital, नागपूर येथे प्रवेश मिळाला आहे. त्यांच्या या यशामुळे कुटुंबीयांसह मित्रपरिवारात आनंदाचे वातावरण निर्माण झाले असून सर्व स्तरांतून अभिनंदनाचा वर्षाव होत आहे. डॉ. हृतिक यांनी एमबीबीएस शिक्षण पूर्ण करताना उत्कृष्ट कामगिरी केली होती. बालरोग तज्ञ होण्याचे स्वप्न त्यांनी वैद्यकीय शिक्षणाच्या सुरुवातीपासूनच मनात बाळगले होते. सातत्यपूर्ण अभ्यास, मेहनत आणि जिद्दीच्या जोरावर त्यांनी एम.डी. अभ्यासक्रमासाठी प्रवेश मिळवून आपल्या कुटुंबाचा, गुरुजनांचा…

हायवे की रनवे? दिब्रुगडमध्ये ‘बॅटल-रेडी’ भारताचा नवा अध्यायईशान्य भारतात पहिली इमर्जन्सी लँडिंग फॅसिलिटी; युद्ध आणि आपत्ती दोन्हीसाठी मोठी रणनीतिक उडी समृद्ध नगर न्यूज विशेष लेख दिब्रुगड : ईशान्य भारताच्या सामरिक सुरक्षेला नवी धार देणारी ऐतिहासिक घटना नुकतीच घडली. नरेंद्र मोदी यांच्या हस्ते आसाममधील राष्ट्रीय महामार्गावर तयार करण्यात आलेल्या ‘इमर्जन्सी लँडिंग फॅसिलिटी’ (ELF) चे उद्घाटन झाले. शांततेच्या काळात सामान्य वाहतुकीसाठी असलेला हा महामार्ग युद्धाच्या वेळी पूर्ण क्षमतेचा हवाई तळ बनू शकणार आहे. ३.५ किमीचा ‘रणनीतिक रनवे’आसाममधील या विशेष पट्ट्याची लांबी सुमारे ३.५ किलोमीटर आहे. उद्घाटनप्रसंगी भारतीय हवाई दलच्या लढाऊ आणि मालवाहू विमानांनी यशस्वी लँडिंग करून दाखवली. यामुळे ईशान्य भारतात प्रथमच हायवेवरून…

अवैध सावकारांवर धडक कारवाई करा; तक्रारी तातडीने निकाली काढा – जिल्हाधिकारी डॉ. पंकज आशिया समृद्ध नगर न्यूज नेटवर्क : जिल्ह्यात अवैध सावकारीचा विळखा तोडण्यासाठी प्रशासनाने कडक पावले उचलावीत, प्राप्त होणाऱ्या तक्रारींचा तातडीने निपटारा करावा, असे निर्देश जिल्हाधिकारी डॉ. पंकज आशिया यांनी दिले. अवैध सावकारांच्या दडपशाहीला बळी न पडता पीडित शेतकरी, व्यापारी व नागरिकांनी धाडसाने पुढे येऊन तक्रारी नोंदवाव्यात, असेही त्यांनी आवाहन केले. जिल्हाधिकारी कार्यालयात महाराष्ट्र सावकारी (नियमन) अधिनियम २०१४ अंतर्गत गठीत त्रिसदस्यीय समितीच्या बैठकीत ते बोलत होते. संबंधित प्रकरणांमध्ये नोटीस पोहोच झाल्याची खात्री करून गुणवत्तेवर निर्णय घ्यावेत, तसेच दोषींवर कठोर कारवाई करावी, असे स्पष्ट निर्देश त्यांनी दिले. बैठकीत जिल्हा उपनिबंधक…

समाजकल्याण वसतीगृहातील माजी विद्यार्थ्याची तालुका कृषी अधिकारी पदावर निवड ​समृद्ध नगर न्यूज नेटवर्क , दि. ११ :- डॉ. बाबासाहेब आंबेडकर मागासवर्गीय मुलांचे शासकीय वसतीगृह, संगमनेर येथील माजी विद्यार्थी तुषार सूर्यभान साळवे यांची महाराष्ट्र लोकसेवा आयोगामार्फत तालुका कृषी अधिकारी (वर्ग–१/गट-ब) या पदावर निवड झाली आहे. ​ साळवे यांनी समाजकल्याण वसतीगृह, संगमनेर येथे वास्तव्यास असताना स्पर्धा परीक्षेची तयारी केली. कठोर परिश्रम, सातत्यपूर्ण अभ्यास व जिद्दीच्या बळावर त्यांनी हे उल्लेखनीय यश संपादन केले आहे. ​या यशामागे वसतीगृहातील संस्कार, मार्गदर्शन व प्रेरणादायी वातावरणाचा मोठा वाटा आहे. तसेच, विद्यार्थ्यांना आपुलकीने जपणाऱ्या दीपाली गांगुर्डे (स्वयंपाकी), मार्गदर्शक श्री. महानोर व अनिल गर्जे तसेच वसतीगृहातील इतर कर्मचारी वर्गाचे…

समृद्ध नगर न्यूज नेटवर्क – मंत्रिमंडळ निर्णय (संक्षिप्त) नाबार्डकडून जलसंपदा प्रकल्प पूर्ण करण्यासाठी पंधरा हजार कोटींचे दीर्घ मुदतीचे कर्ज. यातून ५७ अपूर्ण सिंचन प्रकल्प व १९३ पूर्ण प्रकल्पांच्या वितरण प्रणालीमध्ये सुधारणा करण्यात येणार. राज्यातील ८ लाख हेक्टर कृषि क्षेत्राला सिंचन सुविधा निर्माण होण्याने राज्यातील शेतकऱ्यांना दिलासा मिळणार. (जलसंपदा विभाग) कोल्हापूर जिल्ह्यात आंतरराष्ट्रीय दर्जाचे क्रिकेट स्टेडियम होणार. मौजे विकासवाडी ( ता. करवीर) १२ हेक्टर ७६ आर शासकीय जमीन उपलब्ध करून देण्यास मंजुरी. कोल्हापुरच्या क्रिडा विकासाला चालना मिळणार. (महसूल, नोंदणी व मुद्रांक शुल्क) पुणे जिल्ह्यातील पुरंदर विमानतळासाठी विशेष हेतू प्राधिकरणाची स्थापना. प्रकल्पाला गती देण्यासाठी, भुसंपादन व अनुषांगिक बाबींसाठी सहा हजार कोटींचे कर्ज.…

उजनीचे पाणी जामखेडला मिळवण्यासाठी शेतकऱ्यांनी एकजूट होऊन संघर्ष करावा – अंकुशराव ढवळे समृद्ध नगर न्यूज नेटवर्क : जामखेड तालुक्यातील १९ गावांसाठी उजनी तलावाचे पाणी आणणे ही अत्यंत महत्त्वाची आणि तातडीची गरज असून, यासाठी सर्व शेतकरी बांधवांनी एकजूट होऊन नियोजनबद्ध संघर्ष उभारण्याची आवश्यकता आहे, असे प्रतिपादन माजी उपसभापती पंचायत समिती जामखेड अंकुशराव ढवळे यांनी केले. “मागितले तर मिळते, पण त्यासाठी सातत्याने पाठपुरावा आणि रस्त्यावर उतरून लढा द्यावा लागतो. कर्जत, आष्टी, करमाळा, माढा या तालुक्यांना पाणी मिळाले, मग जामखेडला का नाही?” असा सवाल उपस्थित करत त्यांनी पाणीप्रश्नी शेतकऱ्यांनी सजग आणि संघटित होण्याचे आवाहन केले. आपल्या मुलाबाळांच्या भविष्यासाठी, शेतीच्या टिकावासाठी आणि गावांच्या विकासासाठी…

समृद्ध नगर न्यूज नेटवर्क अर्थतज्ज्ञ पीटर शिफ यांचा इशारा: “जागतिक मंदी पुन्हा येऊ शकते; सोने-चांदी महाग होण्याची शक्यता”मुंबई / आंतरराष्ट्रीय स्तर – २००८ च्या जागतिक आर्थिक मंदीचा अचूक इशारा देऊन प्रसिद्ध झालेले अमेरिकन अर्थतज्ज्ञ आणि गुंतवणूक विश्लेषक पीटर शिफ यांनी पुन्हा एकदा जागतिक अर्थव्यवस्थेबाबत गंभीर चेतावणी दिली आहे. सध्याच्या आर्थिक परिस्थितीत मंदी आणि वाढती महागाई एकत्र येण्याचा, म्हणजेच स्टॅगफ्लेशनचा धोका वाढत असल्याचे त्यांनी म्हटले आहे. तसेच डॉलरचे वर्चस्व हळूहळू कमी होऊ शकते आणि अशा काळात सोने व चांदीसारख्या दुर्मिळ धातूंना (Precious Metals) अधिक महत्त्व प्राप्त होईल, असे त्यांचे मत आहे.२००८ च्या मंदीचे भाकीत ठरले होते खरे२००७–०८ दरम्यान अमेरिकेतील हाऊसिंग बबल…

दादा, तुम्ही वेळ चुकवलीत…’ — मुख्यमंत्री देवेंद्र फडणवीस यांची भावनिक श्रद्धांजलीमंत्रिमंडळ बैठकीतील शेवटच्या भेटीपासून विमानप्रवासातील आठवणींपर्यंत; अजित पवारांबद्दल फडणवीस यांनी व्यक्त केली हळवी खंतमुंबई : “दादा, आजवर तुम्ही कधीही वेळ चुकवली नव्हती… यावेळी मात्र चुकवलीत,” या शब्दांत मुख्यमंत्री देवेंद्र फडणवीस यांनी आपल्या जिवलग मित्राला आणि सहकाऱ्याला भावपूर्ण श्रद्धांजली अर्पण केली. अजित पवार यांच्या आकस्मिक निधनाने वैयक्तिक तसेच राज्याच्या राजकारणात निर्माण झालेली पोकळी त्यांनी अत्यंत हळव्या शब्दांत मांडली.मंगळवारी (दि. २७ जानेवारी) मंत्रिमंडळ बैठकीत आणि त्यानंतर पायाभूत सुविधा समितीच्या बैठकीत अजित पवार यांच्यासोबत झालेल्या शेवटच्या भेटीची आठवण फडणवीस यांनी सांगितली. राज्यातील पायाभूत सुविधांवरील खर्च, प्रकल्प वेळेत पूर्ण करण्याची गरज आणि सार्वजनिक बांधकाम…

शिवसेना शिंदे पक्षाकडून मोफत ब्युटी पार्लर कोर्सला महिलांचा उत्स्फूर्त प्रतिसाद.समृद्ध नगर न्यूज नेटवर्क – जयश्री नितीन कोल्हे व नितीन भाऊ कोल्हे यांच्या मार्गदर्शनाखाली महिलांसाठी आयोजित करण्यात आलेल्या मोफत ब्युटी पार्लर प्रशिक्षण कोर्सच्या पहिल्याच दिवशी महिलांचा उत्स्फूर्त व उल्लेखनीय प्रतिसाद मिळाला. महिलांना स्वावलंबी बनविणे व त्यांच्यातील कौशल्यांना चालना देणे हा या उपक्रमामागील मुख्य उद्देश असून परिसरातील अनेक महिलांनी या संधीचा लाभ घेण्यासाठी मोठ्या उत्साहाने सहभाग नोंदविला. या कोर्समध्ये ब्युटी पार्लर व्यवसायासंबंधी मूलभूत तसेच प्रात्यक्षिक प्रशिक्षण दिले जाणार आहे. त्वचा निगा, केसांची निगा, मेकअप तंत्र, फेशियल, थ्रेडिंग, मेहेंदी, तसेच पार्लर व्यवस्थापन यांसारख्या विविध विषयांवर तज्ञांकडून मार्गदर्शन केले जाणार आहे. प्रशिक्षण पूर्ण केल्यानंतर…