बारामती विधानसभेच्या पोटनिवडणुकीत नवीन ट्विस्ट
आ रोहित पवार यांची सोशल मीडियावर पोस्ट करत दिली माहिती.
बारामती समृद्ध नगर न्यूज नेटवर्क : अजितदादांच्या दुर्दैवी अपघातानंतर होत असलेली बारामती विधानसभा पोटनिवडणूक बिनविरोध व्हावी, अशी भावना बारामतीकरांसह संपूर्ण राज्यभरातील जनतेत व्यक्त होत आहे.
दादांना खरी श्रद्धांजली म्हणून ही निवडणूक बिनविरोध व्हावी, अशीही अपेक्षा व्यक्त केली जात आहे.
या पार्श्वभूमीवर राष्ट्रीय काँग्रेस पक्षाने जनभावनेचा आदर करत आपला उमेदवार माघारी घेतला आहे.
या निर्णयाबद्दल काँग्रेस पक्षाचे अध्यक्ष मल्लिकार्जुन खर्गे, राहुल गांधी, के. सी. वेणुगोपाल, रमेश चेन्निथला यांच्यासह राज्यातील सर्व काँग्रेस नेते आणि उमेदवार आकाश मोरे यांचे आ रोहित पवार यांनी आभार मानण्यात आले आहेत.
या प्रक्रियेत काँग्रेसचे प्रदेशाध्यक्ष हर्षवर्धन सपकाळ यांची भूमिका महत्त्वाची ठरली असून, पक्षाच्या वतीने सुप्रिया सुळे यांनीही पुढाकार घेतल्याचे सांगण्यात आले.
दरम्यान, उमेदवारी अर्ज दाखल करताना काँग्रेस पक्षाने अजितदादांच्या अपघातासंदर्भात FIR नोंदविण्याची मागणी केली होती. ही बाबही तितकीच गंभीर असून, तिच्याकडे दुर्लक्ष करून चालणार नाही, असे मत व्यक्त होत आहे.
कर्नाटक पोलिसांनी पाठवलेल्या ‘झिरो FIR’नुसार बारामती येथे FIR नोंदवून सखोल चौकशी सुरू करावी, तसेच त्यानुसार पुढील कार्यवाही करावी, अशी मागणी करण्यात येत आहे.
