सभापती मोहन पवार यांच्यावतीने मकरसंक्रांतीनिमित्त महिलांसाठी हळदी-कुंकू व सांस्कृतिक कार्यक्रम आयोजन.
नगरसेवक मोहन पवार व राजश्री पवार यांचा सामाजिक उपक्रम
जामखेड समृद्ध नगर न्यूज नेटवर्क :
सामाजिक कार्यात अग्रेसर असणारे प्रभाग क्रमांक ७ चे नगरसेवक तसेच सार्वजनिक बांधकाम समितीचे सभापती मोहन पवार व त्यांच्या सौभाग्यवती राजश्री पवार यांच्या वतीने मकरसंक्रांतीनिमित्त महिलांसाठी हळदी-कुंकू व सांस्कृतिक कार्यक्रमाचे आयोजन करण्यात आले आहे.
हा कार्यक्रम शुक्रवार, दिनांक २३ जानेवारी २०२६ रोजी सायंकाळी ५ वाजता श्री नागेश विद्यालयाच्या पाठीमागे, संतोषीमाता मंदिराजवळ, जामखेड येथे संपन्न होणार आहे. कार्यक्रमास महाराष्ट्र राज्य विधानपरिषदेचे सभापती प्रा. राम शिंदे यांच्या पत्नी माजी सभापती आशा शिंदे तसेच जामखेड नगरपरिषदेच्या नगराध्यक्षा प्रांजल चिंतामणी यांची प्रमुख उपस्थिती लाभणार आहे.
महिला भगिनींसाठी विशेष आकर्षण म्हणून सुमधुर लोकप्रिय गाण्यांचा आर्केस्ट्रा आयोजित करण्यात आला असून पारंपरिक हळदी-कुंकू व तिळगुळाचे वाटप करण्यात येणार आहे. सामाजिक ऐक्य जपणारा व सांस्कृतिक परंपरेचा वारसा जतन करणारा हा उपक्रम ठरणार आहे.
या कार्यक्रमाचे आयोजन राजश्री पवार, शीतल पवार, कांताबाई गायकवाड व अर्चना पवार यांनी केले असून सर्व महिला भगिनींनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.
