सभापती प्रा. राम शिंदे यांच्या वाढदिवसानिमित्त खर्डा जि. प. शाळेत शालेय साहित्य वाटप
भाजपा जि. प. खर्डा गटातील कार्यकर्त्यांचा उपक्रम
समृद्ध नगर न्यूज नेटवर्क –
महाराष्ट्र राज्य विधान परिषदेचे सभापती प्रा. राम शिंदे यांच्या वाढदिवसानिमित्त खर्डा येथील जिल्हा परिषद प्राथमिक शाळेत विद्यार्थ्यांना शालेय साहित्याचे वाटप करण्यात आले. भारतीय जनता पार्टी जिल्हा परिषद खर्डा गटाच्या वतीने हा सामाजिक व शैक्षणिक उपक्रम राबविण्यात आला.
ग्रामीण भागातील विद्यार्थ्यांना शिक्षणासाठी आवश्यक साहित्य उपलब्ध व्हावे व त्यांच्या शैक्षणिक प्रगतीला चालना मिळावी, या उद्देशाने या उपक्रमाचे आयोजन करण्यात आले होते. गुरुवारी (दि. १ जानेवारी २०२६) सकाळी १०.३० वाजता जि. प. प्राथमिक शाळा, खर्डा येथे विद्यार्थ्यांना वह्या, पेन व अन्य शैक्षणिक साहित्याचे वाटप करण्यात आले.
कार्यक्रमास माजी जिल्हा परिषद सदस्य कांतीलाल खिवंसरा, सरपंच संजीवनी पाटील, माजी सरपंच संजय गोपाळघरे, बाजार समितीचे संचालक वैजिनाथ पाटील, युवा नेते बाजीराव गोपाळघरे, केशव वनवे, नानासाहेब गोपाळघरे, माजी सरपंच आसाराम गोपाळघरे, महालिंग कोरे, महेश दिंडोरे, राजू मोरे, भागवत सुरवसे, बाळासाहेब गोपाळघरे, कांतीलाल डोके, अण्णासाहेब शिंदे, रामदादा भोसले, नामदेव गोपाळघरे, राजू डोके, लक्ष्मण भोसले, दिलीप सुरवसे, भीमा सुरवसे, बबन सुरवसे, हरिदास गोपाळघरे, मच्छिंद्र येवले, दिगंबर सातारकर, टिल्लूशेठ पंजाबी, भैय्या चौगुले, अंकुश वारे, अनिल दराडे, सचिन सुरवसे, रोहिदास वनवे आदी पदाधिकारी व कार्यकर्ते, शिक्षक-शिक्षिका व विद्यार्थी उपस्थित होते.
कार्यक्रमाचे प्रास्ताविक भास्कर गोपाळघरे यांनी केले, तर मुख्याध्यापक आंधळकर यांनी आभार मानले.
